19 дек 07:31
Янгиликлар

Бокс/ММА

Украиналик аралаш яккакурашчига UFC’даги иккинчи жанг берилди

TUF’нинг 33-мавсуми ғолиби 7 февраль куни Лас-Вегасда бўлиб ўтадиган UFC Fight Night 266 турнирида октагонга қайтади.

Украиналик Даниил Донченко ярим ўрта вазн тоифаси вакили ҳисобланади. У шу куни америкалик Алекс Моронога қарши октагонга чиқади. Даниил шу йилнинг сентябрь ойида Сан-Антониода бўлиб ўтган UFC Fight Night 259 турнири "The Ultimate Fighter" телелойиҳасининг финал жангида бразилиялик Родриго Сезинандони биринчи раунддаёқ техник нокаутга учратганди.

2016 йилдан бери лигада иштирок этиб келаётган Алекс Мороно эса март ойида кетма-кет учинчи мағлубиятини қабул қилиб олди. У сўнгги жангининг биринчи раундидаёқ бразилиялик Карлос Леалга техник нокаут билан имкониятни бой берди.

Маълумот учун, UFC Fight Night 266 турнирининг асосий жанги энг енгил вазн тоифасида Марио Баутиста ва Винисиус Оливейра ўртасида бўлиб ўтади.