Украиналик эксперт Кункабаевнинг Жалоловни мағлуб этиш имкониятлари ҳақида гапирди

Ҳар икки боксчи ҳам Олимпиада-2024 лицензиясини қўлга киритган. Жалолов ва Кункабаев яқинда Озарбайжондаги турнирда ҳам тўқнаш келишлари мумкин эди. Лекин қозоғистонлик боксчи кутилмаганда россиялик рақибига ютқазиб қўйганди.  

"Биласизми, профессионал боксда ҳамма нарса бўлиши мумкин. Жароҳат, бетоб бўлиб қолиш каби омиллар спортчининг сояси каби эргашиб юради. Шу маънода, агар Кункабаев ҳам, Жалолов ҳам ўзларининг оптимал спорт формаларида Олимпиада доирасида тўқнаш келиб қолишса, шубҳасиз Баҳодир жанг фаворити бўлади. Бу боксчилар бир-бирлари билан етарлича рингда тўқнаш келишган. Шундай экан, бўлажак жангдан нимадир янгилик кути мушкул. Аммо яна такрор айтаман, кўп нарса уларнинг ўша жангга қандай ҳолатда етиб келишларига боғлиқ бўлади", — деди мутахассис.

Эслатиб ўтамиз, Париж-2024 Олимпиадаси 26 июлдан 11 августга қадар бўлиб ўтади.