Ulaanbaatar Grand Slam. Умар Бозоров олтин, Тўрабоев бронза медали учун татамига чиқади

Қувонарлиси, бугунги муросасиз баҳсларда юртимиз шарафини ҳимоя қилаётган ҳар икки дзюдочимиз кечки финал дастурида мусобақа медаллари учун курашиш ҳуқуқини қўлга киритди. -90 кг вазндаги Tbilisi Grand Slam ғолиби Умар Бозоров 1/2 финалда ажойиб камбек эвазига IJF байроғи остида қатнашаётган россиялик Ихван Эдилсултановни иппон эвазига мағлуб этди. Бозоров учрашув якунланишига 6 сония қолган бир вақтда юко баҳоси билан ютқазаётганди.    

+100 кг вазндаги полвонимиз Ўткирбек Тўрабоев эса тенг курашлар остида кечган 1/2 финалда яна бир IJF байроғи остида курашаётган россиайлик Артём Золотухинга имкониятни бой берди. Энди у финал блокида жаҳон рейтингида 13-ўринни эгаллаб турган россиялик Денис Батчаевга қарши татамига чиқади. Умар Бозоровнинг олтин медал учун беллашувдаги рақиби япониялик Рику Окада бўлади.