Улар Олимпиадага боришади – коллеж ўқувчиси Раҳмонов!

18 ёшли Аббос Раҳмонов Республика олимпия захиралари коллежи ўқувчиси ҳисобланади. 2014 йилнинг 6-11 май кунлари Таиланднинг Бангкок шаҳрида ўтказилган эркин ва юнон-рум ва аёллар кураши бўйича Осиё чемпионатида 54 кг вазн тоифасида иштирок этди.

Ўтган йили ёшлар ўртасида ўтказилган Осиё чемпионати кумуш медали совриндори. У илк бор Истанбул турнирида катталар таркибида мусобақаларда чиқишини бошлади. Аббос Раҳмонов 57 килограммгача вазндаги курашчилар баҳсида покистонлик Муҳаммад Билол, венесуэлалик Педро Родригес ва қирғизистонлик Самат Надирбек улуни мағлубиятга учратиб, кумуш медал ва Олимпия ўйинлари йўлланмасини қўлга киритди.

Июль ойи бошида Германиянинг Дортмунд шаҳрида ўтган спорт курашлари бўйича Гран-при мусобақасида Аббос Раҳмонов ҳам ўз вазн тоифасида шоҳсупанинг учинчи поғонасига кўтарилди.

Таъкидлаш жоиз, ушбу мусобақада ҳар бир вазн тоифасида турли йиллардаги жаҳон чемпионлари жам бўлган ва бу каби турнир курашчиларга Олимпиада олдидан ажойиб тайёргарлик вазифасини бажариб беради.

“NewsArena” газетасининг 2016 йил 22-сонидан олинди