22 ноя 10:54
Янгиликлар

Бокс/ММА

Улуғбек Собиров 5 декабрь куни Мисрда жанг ўтказади + ФОТО

Профессионал боксчимиз Улуғбек Собиров навбатдаги жангини ҳам Мисрда ўтказиши маълум бўлди.

Бўлажак жангда чарм қўлқоп устамизга Жанубий Африка Республикаси боксчиси Жабулани Макензе рақиблик қилади. Макензе проф рингда 12 та жанг ўтказиб, 11 тасида ғалаба қозонган. Бешта жангда рақибларини муддатидан аввал мағлуб этган. Ҳисобида битта нокаутли мағлубият ҳам бор.

Улуғбек Собиров сўнгги жангини шу йилнинг 26 февраль куни Мисрда танзаниялик Тава Кассимга қарши 10 раундлик жанг ўтказиб, очколар ҳисобига кўра ғалаба қозонган эди. Собиров проф боксда Макензе сингари 12 та жанг ўтказиб, 11 тасида ғалаба қозонган (6 та нокаут). Мағлубиятлари сони ҳам битта.

Ҳамюртимиз айни пайтда Андижонда бўлажак жангига тайёргарлик кўрмоқда. У 3 декабрь куни Миср пойтахти Қоҳира шаҳрига жўнаб кетади.