11 фев 09:04
Янгиликлар

Бокс/ММА

Умар Нурмагомедовнинг UFC 272 турниридаги рақиби маълум

Россиялик UFC жангчиси Умар Нурмагомедовнинг навбатдаги жанги учун рақиби маълум бўлди.

Хабиб Нурмагомедовнинг жияни 5 март куни Лондон шаҳрида ўтказиладиган UFC 272 турнири доирасида америкалик Брайан Келлехерга қарши октагонга кўтарилади. Келлехер ММАдаги фаолиятида 24 та ғалаба ва 12 мағлубият қайд этган.

Аслида Умар 19 март куни айнан Лондонда ўтадиган UFC Fight Night турнирида уэльслик Жек Шор билан жанг қилиши керак эди. Лекин бу жанг номаълум сабабларга кўра бўлмайди. Ўша куни Шорга қарши бошқа бир россиялик ММА жангчиси Тимур Валиев октагонга чиқади.

Эслатиб ўтамиз, Умар Нурмагомедов охирги жангини шу йилнинг 20 январь куни қозоғистонлик Сергей Морозовга қарши ўтказиб, очколар ҳисобига кўра ғалаба қозонганди.