04 сен 12:55
Янгиликлар

Футбол

Умтити "Барселона"дан текинга кетиши мумкин бўлган 3-ўйинчи

"Барселона" ҳимоячи Самуэль Умтити билан шартномани бекор қилиш имкониятларини ўрганмоқда.

"Кўк-анорранглилар"га 26 ёшли француз борасида таклиф келиб тушмади, ўйинчи Каталония клуби янги бош мураббийи Рональд Куманнинг режаларига кирмайди.

Шундай экан Умтити Луис Суарес ва Артуро Видалдан сўнг ушбу трансферлар ойнасида текинга кетиши мумкин бўлган учинчи футболчи бўлиши мумкин.

Олдинроқ, каталонияликлар хавбек Иван Ракитични "Севилья"га 1,5 миллион евро эвазига қўйиб юборишган эди. Умтитининг "Барселона" билан тузган шартномаси 2023 йилнинг июнига қадар мўлжалланган.