"Унинг камарини тортиб оламан". Иан Гарри — Махачев билан жанг ҳақида гапирди

Уларнинг тўқнашуви АҚШнинг Филадельфия шаҳрида ўтадиган UFC 330 турнирининг асосий жанги бўлади.

"Биласизми, менимча, Исламнинг заиф томонлари кўп эмас. У ҳали мен каби узун бўйли ва узун оёқли жангчига қарши чиқмаган. Мен каби тезкор жангчига қарши ҳам жанг қилмаган. Масофани ушлай оладиган, бокс маҳоратига эга, бош ҳаракатларидан яхши фойдаланадиган ва тейкдаунларга қарши ҳимоялана оладиган жангчи билан ҳам тўқнаш келмаган.

Балким, у мени партерга ўтказар. Ҳатто шундай бўлишига умид қиламан, чунки бутун дунёга Махачев мени сабмишн қилишга қодир эмаслигини исботламоқчиман. Бутун дунёга унинг остида қолиб кетмаслигимни кўрсатмоқчиман. Унинг ўйинида ҳам ғалаба қозонишим мумкинлигини намойиш этмоқчиман.

Мен учун унинг шу залда қанча вақт машқ қилгани аҳамиятсиз. Ислам бу билан қанча вақт шуғуллангани ҳам муҳим эмас. Унинг самбо бўйича халқаро тоифадаги спорт устаси унвони борми-йўқми — бу ҳам қизиқ эмас. Мен унинг бошини канвасга ураман ва чемпионлик камарини тортиб оламан. Унинг тахтини эгаллайман, рекорд даражадаги ғалабалар сериясига нуқта қўяман ва Исламнинг тарихга киришига йўл қўймаган инсон сифатида қоламан", — деди Гарри ўзининг ижтимоий тармоқдаги саҳифасига жойланган видеода.