Универсиада-2019. Теннисчиларимиз жамоавий баҳсларни ғалаба билан бошлашди

Мусобақада теннисчиларимизнинг яккалик баҳсларини муваффақиятли бошлаганидан хабарингиз бор. Улар жуфтлик баҳсларида ҳам муваффақиятли старт олишди. Ҳумоюн Султонов ва Санжар Файзиев тандеми иккинчи даврада таиландлик Коваритуктед ҳамда Кунсуванга қарши кортга чиқишди.

Кескин ва муросасиз ўтган баҳсда теннисчиларимиз рақибларини ҳар иккала сетда бир ҳил 6:4 ҳисобида мағлубиятга учратишди. Бугун Султонов ва Файзиев жуфтлиги чорак финал йўлланмаси учун баҳс олиб боради. Рақиб эса - ЖАР!

Мазкур мусобақанинг аёллар ўртасидаги яккалик баҳсларида қатнашаётган Комола Умарова учинчи давра баҳсларига киришади.