Универсиада-2019. Япония ҳамон пешқадам, Ўзбекистон пастлади

Мусобақаларнинг иккинчи кунидан сўнг умумжамоа ҳисобида ҳали ҳам япониялик талабалар етакчилик қилишмоқда. Улар ҳисобларида 7 та олтин, 5 та кумуш, битта бронза медали бор.

Иккинчи ўринга АҚШлик спортчилар чиқиб олишди. Ҳозирча америкаликларда 9 та медаль бор, улардан бештаси олтин. Кучли учликни хитойлик талабалар 6 та медаль билан якунлаб беришган.

Кеча бўлиб ўтган баҳслардан сўнг Ўзбекистон терма жамоаси умумжамоа ҳисобида 16-ўриндан 22-ўринга тушиб қолди. Ҳозирча делегациямиз ҳисобида иккита бронза медали бор ва ҳар иккала медални дзюдочиларимиз қўлга киритишди.