“Универсиада-2020”: Талаба қизлар Нукусда жам бўлишди

Шу кунга қадар, шахмат-шашка, стол тенниси ва гандбол бўйича мусобақалар якунланиб, ғолиб ва совриндорлар аниқланди.

Айни кунларда Қорақалпоғистон Республикасининг Нукус шаҳри талаба қизлар ўртасида волейбол бўйича “кичик олимпиада”га мезбонлик қилмоқда. Мусобақаларда Қорақалпоғистон Республикаси, Самарқанд, Жиззах ва Наманган вилоятидан ташриф буюрган олий таълим муассасалари вакиллари ғолиблик учун кураш олиб бормоқда.

Қизиқарли баҳсларга бой ўтаётган мусобақа бугун ўз якунига етади. Ғолиб ва совриндорлар ташкилотчиларнинг қимматбаҳо совғалари билан тақдирланади.