01 мар 16:40
Янгиликлар

Теннис

Уотсон Акапулькодан соврин, 43 минг $ ва 280 очко билан қайтяпти

Британиялик теннисчи Хизер Уотсон Мексиканинг Акапулько шаҳрида ўтказилган турнир ғолибасига айланди.

Дунёнинг 69-ракеткаси бўлиб турган Уотсон турнир финалида рейтингнинг 190-поғонасидан жой олиб турган канадалик 17 ёшли Лейла Фернандесни мағлубиятга учратди - 6/4, 6/7(10), 6/1. Финал баҳси 2 соату 46 дақиқа давом этган.

27 ёшли Хизер ўзаро учинчи учрашувда ҳам Фернандесдан устун келди. Abierto Mexicano Telcel турниридаги муваффақиятли иштирок британиялик теннисчига 43 минг доллар ҳамда 280 рейтинг очкосини тақдим этди. Бу Уотсон учун фаолиятидаги тўртинчи соврин бўлди.