Урганчдаги спорт мактабида “Спортни сев, спорт билан яша!” шиори остида мусобақа ўтказилди

Ўзбекистон Республикаси Президентининг  “Жисмоний тарбия ва оммавий спортни янада ривожлантириш чора-тадбирлари тўғрисида”ги қарорини ҳаётга тадбиқ этиш, ёш спортчиларни маҳоратини ошириш ҳамда уларни жисмонан ва маънан баркамол руҳда вояга етишини таъминлаш мақсадида уюштирилган мусобақада “Ёшлик” жамоаси (тренери Мансур Бобожонов) зафар қучди. Иккинчи ўринни “Ёшлик-2” жамоаси (тренери Азамат Рўзимбетов) эгаллади. Шоҳсупанинг учинчи поғонасидан  СЎЕАИБЎСМ жамоаси (тренери Рустам Ботиров) жой олди. Ғолиб ва совриндор жамоалар ташкилотчилар томонидан тақдирланишди.

Мазкур биринчиликнинг аҳамиятга молик жиҳати шундан иборат бўлдики, мусобақа қатнашчилари СЎЕАИБЎСМнинг “Спорт музейи”га ҳам ташриф буюришди. У ерда спорт мактаби директори Жамоладдин Абдуллаев ёшларга маҳорат маскани, унинг таниқли спортчилари ва улар томонидан қўлга киритилган салмоқли ютуқлар ҳақида атрофлича сўзлаб берди. Ўз навбатида ёш гандболчилар спорт мактабининг тарихи ва муваффақиятлари акс этган фотосуратлар,  диплом ва фахрий ёрлиқлар ҳамда кубокларни мириқиб томоша қилишди. 

Икром ХУДОЙБЕРГАНОВ, Урганч шаҳридан