02 сен 14:14
Янгиликлар

Теннис

US Open. 19 та қўшхато қимматга тушди. Амалдаги чемпион ютқазди

US Open турнирининг амалдаги чемпиони Кори Гофф мусобақадаги иштирокини якунлади.

Америкалик иқтидор эгаси тўртинчи давра учрашувида рейтингнинг 12-поғонасида бораётган ватандоши Эмма Наваррога уч сет натижасига кўра имкониятни бой бериб қўйди - 3/6, 6/4, 3/6. Эмма теннисчиларнинг ўзаро учрашуви ҳисобида ҳам олдинга чиқиб олди - 2:1.

Икки соату 14 дақиқа давом этган баҳсда Гофф 2, Наварро 1 та эйс зарбасини амалга оширди. Қўшхатолар бўйича Кори "чемпион" бўлди - 19 та! Наваррода бу кўрсаткич 2 тани ташкил қилди. Брейклар бўйича устунлик Эмма томонида бўлди - 4 га 2. Энди у испаниялик Паула Бадосага қарши кортга чиқади.