10 сен 07:38
Янгиликлар

Теннис

US Open-2018. Новак Жокович яна тахтда!

АҚШнинг Нью-Йорк шаҳрида "Катта Дубулға" туркумига кирувчи US Open-2018 турнири якунланди.

Эркаклар ўртасидаги мусобақанинг ҳал қилувчи финал учрашувида сербиялик Новак Жокович ҳамда аргентиналик Хуан Мартин Дель Потро тўқнаш келишди.

Уч соату 15 дақиқа давом этган баҳс якунида Жокович рақибини 6:3, 7:6(4), 6:3 ҳисобида мағлуб этди ва бош мукофот соҳибига айланди. Потро дунё рейтингида учинчи, Жокович эса олтинчи ўринни эгаллаб турибди.