US Open-2023. Елена Рибакина муваффақиятли старт олди

Дунёнинг тўртинчи рақамли теннис маликаси Елена Рибакина илк даврада WTA рейтингида 37-поғонадан жой олган украиналик Марта Костюкни мағлубиятга учратди — 6:2, 6:1. Бу билан қозоғистонлик теннисчиларнинг ўзаро учрашувларидаги ҳисоб мувозанатини тиклади - 1:1.

Теннисчиларнинг илк учрашуви шу йил аввалида Аделаида (Австралия) шаҳридаги турнир доирасида бўлиб ўтган ва унда Марта 6:7, 6:2, 6:3 ҳисобларида зафар қучганди. Костюк бу йил Уимблдон турнирининг учинчи даврасига қадар етиб борган эди. У дунёнинг саккизинчи ракеткаси, грециялик Мария Саккари ҳамда 46-ракетка Паула Бадосани мусобақадан чиқариб юборганди. 

Елена Рибакинанинг иккинчи даврадаги рақибаси австралиялик Айла Томлянович бўлади. Дунёнинг 130-ракеткаси бўлиб турган Яшил қитъа вакиласи биринчи босқичда рейтингда ўзидан олти поғона юқорида бораётган венгриялик Панна Удвардидан 3/6, 6/2, 6/4 ҳисобларида устун келди.