02 сен 09:07
Янгиликлар

Теннис

US Open. Амалдаги чемпионнинг ғалабасига 50 дақиқа кифоя қилди

Нью-Йорк шаҳрида теннис бўйича "Катта Дубулға" туркумига кирувчи АҚШ Очиқ чемпионати давом этмоқда.

Мусобақанинг амалдаги ғолибаси Ига Свёнтек 1/16 финалдаги рақибасига биттагина гейм ютиб олиш имконини берди. Дунёнинг биринчи рақамли теннис маликаси 50 дақиқа давом этган баҳсда WTA рейтингида 145-поғонада бораётган словениялик Кайя Юванни 6/0, 6/1 ҳисобида таслим этди.

Польшалик теннисчи ўзаро учрашувлардаги ҳисобни йириклаштирди - 3:0. Иккала теннисчи ҳам эйс зарбасини амалга ошира олмади. Брейклар бўйича Свёнтек мутлақ пешқадам бўлди - 5 га 0!