US Open. Арина Соболенко иккита матчболдан чиқиб кетди

Сайёрамизнинг олтинчи рақамли теннис маликаси Арина Соболенко иккинчи даврада ажойиб камбэкни амалга оширди. Беларуслик теннисчи WTA рейтингида 34-поғонада бораётган эстониялик Кайя Канепига қарши кечган учрашувда иккита матчболдан чиқиб кетиб, якунда ғалаба қозонди - 2/6, 7/6(8), 6/4.

Икки соату 18 дақиқа давом этган баҳсда Соболенко 2 та, Канепи эса 9 та эйс зарбани амалга оширган. Қўшхатолар Аринада 11, Кайяла 5 тани ташкил этди. Беларуслик теннисчи 4 та, эстониялик эса 5 та брейк қайд этган. Соболенко ўзаро учрашувлардаги ҳисобни қисқартирди - 1:2.   

Таъкидлаш жоиз, биринчи сетни бой берган Соболенко иккинчи сетда ҳам 1/5 ҳисобида ютқазаётанди. Аввалига у мувозанатни тиклади, кейин эса иккита матчболдан чиқиб кетиб, якунда ажойиб ғалабани тантана қилди.  

Энди Арина US Open учинчи даврасида франциялик Клара Бюрелга қарши кортга чиқади. Клара ўз ўрнида бельгиялик Алисон ван Уйтванкдан 6/4, 4/6, 6/4 ҳисобида устун келди.