US Open. Дунёнинг еттинчи ракеткасида кутилмаган мағлубият

Жумладан, дунёнинг еттинчи ракеткаси Стефанос Циципас ATP рейтингида 128-поғонада бораётган швейцариялик Доминик Штрикерга беш сет давом этган иккинчи давра учрашувида 5/7, 7/6(2), 7/6(5), 6/7(6), 3/6 ҳисобларида имкониятни бой бериб қўйди. Доминик шов-шув кўтариш баробарида ўзаро учрашувлардаги ҳисоб мувозанатини ҳам тиклаб қўйди - 1:1. 

Тўрт соату 10 дақиқа давом этган муросасиз баҳсда Циципас 22, Штрикер эса 11 та эйс зарбасини амалга оширган. Қўшхатолар бир хилда бўлди - 6 тадан. Грециялик 4, швейцариялик эса 6 та брейкка эришган. Штрикернинг учинчи босқичдаги рақиби франциялик Бенжамин Бонци ва америкалик Кристофер Юбэнкс учрашувидан сўнг аниқланади.