03 сен 11:44
Янгиликлар

Теннис

US Open. Новак Жокович иккинчи даврада кортга чиқди

Хабар берганимиздек, АҚШнинг Нью-Йорк шаҳрида "Катта Дубулға" туркумига кирувчи US Open турнири давом этмоқда.

Сайёрамизнинг биринчи ракеткаси Новак Жокович иккинчи давра учрашувини ўтказди. Сербиялик теннисчи ATP рейтингида 44-поғонада бораётган британиялик Кайл Эдмундни 3 соату 13 дақиқа давом этган баҳс якунида 6/7(5), 6/3, 6/4, 6/2 ҳисобларида мағлубиятга учратди.

Бу вақт оралиғида 33 ёшли Жокович 16 та эйс зарбасини амалга оширди. Теннисчиларнинг ўзаро учрашувларида Новак энди 5:1 ҳисобида олдинда бормоқда. Жоковичнинг кейинги рақиби германиялик Ян-Леннард Штруфф бўлади.