US Open. Сайёрамизнинг биринчи ракеткаси рақибасига битта гейм берди

Умумий мукофот жамғармаси 26 миллион 440 минг АҚШ долларини ташкил этувчи йилнинг сўнгги "Катта Дубулға" турнирида учинчи давра иштирокчилари маълум бўляпти. Сайёрамизнинг биринчи рақамли теннис маликаси Ига Свёнтек ортиқча қийинчиликсиз ғалабага эришди. Польшалик теннисчи WTA рейтингида 217-поғонада бораётган япониялик Ен Шибахарага биттагина гейм совға қилди - 6/0, 6/1.

Бу теннисчиларнинг ўзаро ўтказган илк учрашуви бўлди. Олтмиш олти дақиқа давом этган баҳсда Свёнтек 4 та эйс, 5 та брейк қайд этди. Битта ҳам қўшхатога йўл қўймади. Энди у учинчи босқичда италиялик Элизабетта Коччиареттодан устун келган россиялик Анастасия Павлюченковага қарши кортга чиқади.