06 сен 10:03
Янгиликлар

Теннис

US Open. Серена Уильямс дербида ғалаба қозонди

Нью-Йорк шаҳрида теннис бўйича "Катта Дубулға" туркумига кирувчи АҚШ Очиқ чемпионати давом этмоқда.

Сайёрамизнинг саккизинчи рақамли теннис маликаси Серена Уильямс мусобақанинг тўртинчи даврасига йўл олди. Америкалик тажрибали теннисчи учинчи босқич учрашувида ватандоши, WTA рейтингининг 39-поғонасида бораётган Слоан Стивенсга қарши кортга чиқди.

Бир соату 43 дақиқа давом этган баҳсда Серена 2/6, 6/2, 6/2 ҳисобларида мағлубиятга учратди. 38 ёшли Уильямс 12 та эйс зарбасини амалга оширди. Ўзаро учрашувлардаги ҳисоб фарқи йириклашди - 5:1. Энди у US Open турнирининг тўртинчи даврасида грециялик Мария Саккарига қарши баҳс олиб боради.