21 дек 09:36
Янгиликлар
Бокс/ММА
Усик ESPN талқинига кўра “Йил боксчиси” деб топилди
Дунёга машҳур ESPN телеканали якунланиб бораётган 2018 йилги мавсумнинг энг яхшиларини аниқлашда давом этмоқда.
“Йилнинг энг яхши боксчиси” номинациясида украиналик Александр Усик ғолибликни қўлга киритди. Биринчи оғир вазн тоифасида мутлоқ жаҳон чемпиони бўлган Усик бу номинациясида ҳамюрти Василий Ломаченкони ортда қолдирди.
Жорий 2018 йилда Усик учта жангда ғалаба қозонди. У латвиялик Майрис Бриедис, россиялик Мурат Гассиев ва британиялик Тони Бельюни мағлубиятга учратди.
Бундан ташқари, Александр Усик Бутунжаҳон бокс суперсериясида ҳам ғалаба қозониб, биринчи оғир вазн тоифасида барча чемпионлик камарларини ўзида бирлаштирди.
Усикдан ташқари ушбу номинацияда ғолиб бўлиш учун Василий Ломаченко, Майки Гарсия, Энтони Жошуа ва Морис Хукер даъвогарлик қилди.
Ҳавола :
Манба : isport.ua
Фикрлар