Усик кикбокс афсонасига қарши оғир жанг ўтказди

Мусобақа марказий баҳсида украиналик супер оғир вазн мутлақ чемпиони Александр Усик Нидерландия вакили Рико Верхувенга қарши рингга чиқди.

WBC камари ўртага қўйилган мазкур 12 раундлик баҳс 11-раундда муддатидан аввал ниҳоясига етди. Усик рақибини оғир зарбалар сериясидан сўнг техник нокаут эвазига мағлуб этди.

Бироқ жангнинг қарийб тўққизинчи раундига қадар 37 ёшли кикбокс афсонаси, Glory чемпиони Рико Верхувен очколар ҳисоби бўйича Усикка яхшигина қаршилик кўрсатганини таъкидлаш лозим.

Бу Александр учун фаолиятидаги 25-жангида қўлга киритган 25-ғалабаси бўлди. Верхувен эса бугун проф рингдаги иккинчи жангида илк мағлубиятини қабул қилди.