Усик: "Мен эркинман, аммо ҳали ҳам чемпион бўлиб қолавераман"

"Ўзимни яхши ҳис қиляпман. Мен эркинман. Машғулотларда давом этяпман, фаолиятимни давом эттиряпман. Олдимизда кейинги қадам бўйича икки вариант бор.

Камарларни вакант қолдирганимнинг эртаси куни уйғондим ва: “Қандай ажойиб кун”, деб ўйладим. Одамлар мендан: “Энди сен чемпион эмасмисан?” деб сўрашади. Мен эса: “Йўқ, мен ҳамон чемпионман. Камарларни бўшатиш чемпионлик мақомини йўқотиш дегани эмас”, деб жавоб бераман.

Энди менда кўпроқ вақт бор. Мажбурий ҳимоялар ҳақида ўйлашим шарт эмас. Оилам билан кўпроқ вақт ўтказишни хоҳлайман. Чунки узоқ йиллар улардан йироқда меҳнат қилдим.

Фаолиятимни якунлаганимдан кейин ҳам спортда қоламан. Бокс, футбол ва умуман спорт бизнеси соҳасида ишлашни режалаштиряпман", — деди Усик.