Усик — Верхувен жанги статистикаси эълон қилинди

Мисрнинг Гиза шаҳрида ўтказилган проф бокс оқшомининг асосий жангида супероғир вазн тоифасида жаҳон чемпиони Алекандр Усик WBC камарини нидерландиялик кикбоксчи Рико Верхувендан ҳимоя қилди. Жангнинг 11-раунди якунланиб бўлган пайтда, гонг чалинганидан кейин рефери нокдаун қайд этиб, Усикнинг техник нокаутли ғалабасини таъминлади. Бу эса жамоатчилик эътирозига сабаб бўлди. 

Қизиғи, ортда қолган раундлардаги статистика ҳам Рико фойдасига бўлганини кўрсатмоқда. Ўн бир раунд давомида Усик жами 499 та зарба йўллаган, шундан 112 таси манзилига (аниқлик 22,4%) етиб борган. Верхувен — 508 та зарба ёғдирган, 113 таси манзилини топган (аниқлик 22,2%). Рико аниқ зарбалар бўйича Усикнии ортда қолдирди: 93-89. Жанг ҳакамларидан икки нафари дуранг натижа берган, учинчиси нидерландияликнинг ғалабасини таъминлаган.