Усман қанча пул эвазига Адесанья билан жанг қилишга тайёрлигини маълум қилди

"Мен аллақачон айтганман, Исраэль Адесанья чемпион, мени ўрта вазн қизиқтирмайди. Агар, Дана Уайт биз билан кўришиб, бизга 100 миллион доллар таклиф қилса, Адесанья билан бу ҳақида гаплашиб, бир-биримизга "Ҳой, кел шу пулларни ишлаб олайлик" деймиз", — Усманнинг сўзларини келтиради BJ Penn.

Январь ойида Уайт Усманнинг навбатдаги рақиби асли келиб чиқиши ямайкалик бўлган британиялик жангчи Леон Эдвардс бўлишини хабар қилган эди. Кейинроқ эса Уайт Усман ва Ян Блахович ўртасида жанг ташкиллаштириш ғоясини илгари сурганди. Камару шу кунгача ММАда 21 та жанг ўтказиб, уларнинг 20 тасида ғалаба қозонган ва бир жангда мағлуб бўлган.

Адесаньяга кейинги жангида Роберт Уиттакер рақиблик қилади. Жанг эртага ўтказилади. Адесанья ва Уиттакер ўртасидаги илк жанг 2019 йил октябрида ташкил этилган, унда Исраэль иккинчи раундда нокаут эвазига ғолиб бўлган.

Ўтган йилнинг март ойида Адесанья Блахович билан яримоғир вазн чемпионлиги учун жангда қатнашиб, мағлуб бўлди. Кейинроқ эса у бу вазнда бошқа жанг қилмаслигини маълум қилди.