13 окт 12:13
Янгиликлар

Спорт курашлари

UWW жаҳон чемпионатини тасдиқлади, ёшлар ўртасидагиси эса бекор қилинди

Бирлашган кураш дунёси (UWW) шу йилнинг декабрь ойида Сербия пойтахти Белград шаҳрида ўтказиладиган катталар ўртасидаги жаҳон чемпионатини расман тасдиқлади.

Катталар ўртасидаги жаҳон чемпиони уччала йўналиш - эркин, юнон-рим ва аёллар кураши бўйича ўтказилади. Мусобақада UWW`га аъзо ассоциация ва федерацияларнинг 70 фоизи қатнашиш истагини билдирганидан сўнг якуний қарорга келинган.

Лекин декабрь ойида айнан Белградда ёшлар ўртасида ўтказилиши режалаштирилган жаҳон чемпионати бекор қилинди. Бирлашган кураш дунёсининг навбатдаги онлайн-йиғилиши 6 ноябрь куни бўлиб ўтади.

"Биз дунё курашининг халқаро рестартини орзиқиб кутаяпмиз. Лекин асосий эътибор спортчилар, мураббийлар ва бошқа мутахассисларнинг хавфсизлигига қаратилади. Бу биринчи ўриндаги вазифамиз бўлади", - деди UWW президенти Ненад Лалович.