UWW Президенти спорт ташкилотларининг раҳбарлари билан музокара ўтказди

Ташриф доирасида Ўзбекистон ва UWW ўртасидаги ҳамкорликни янада изчил йўлга қўйиш масалалари муҳокама қилинди.

Спорт вазирлиги, МОҚ ва Ўзбекистон спорт курашлари ассоциацияси раҳбарияти иштирокида кечган учрашувда ўзаро ҳамкорликнинг янги босқичлари муҳокама қилинди. Суҳбат давомида терма жамоалар учун янада қулайликлар яратиш, халқаро ташкилотда ўзбекистонлик мутахассисларнинг сонини кўпайтириш ва уларнинг малакасини ошириш каби мавзуларга ҳам тўхталиб ўтилди.

Жаноб Лалович МОҚнинг Мартабали меҳмонлар китобига ўзининг самимий тилакларини ёзиб қолдирди. Шунингдек, у тадбир якунида сентябрь ойида Хорватияда ўтган жаҳон чемпионатида ғолиб ва совриндор бўлган спортчиларимиз ҳамда уларнинг мураббийлари билан учрашди. Уларга давлат томонидан тегишли пул мукофотлари топширилиб, жаҳон чемпиони Айтжан Халмахановга BYD автомашинаси тақдим қилинди.