Ухань (WTA). Дунёнинг биринчи ракеткасида иродали ғалаба

Беларуслик теннис маликаси иккинчи даврада словакиялик Ребекка Шрамковани бироз қийинчилик билан мағлубиятга учратди. Биринчи сетни бой берган Арина якунда ғалабани ўз томонига оғдира олди - 4/6, 6/3, 6/1.

Бу теннисчиларнинг ўзаро ўтказган илк учрашуви бўлди. Бир дақиқаси кам икки соат давом этган баҳсда Соболенко 7, Шрамкова 9 та эйс зарбасини амалга оширди. Қўшхатолар словакиялик теннисчида кўпроқ бўлди 5 га 4. Брейклар бўйича эса Арина устулик қилди - 5 га 2. Энди у учинчи босқичда россиялик Людмила Самсоновага қарши кортга чиқади.