#уйдақол! #ҳаётгақўшил! челленжининг навбатдаги ғолиблари аниқланди

Жорий йилнинг 3 августдан қайта йўлга қўйилган челленжда қатнашиш орқали юртдошларимиз нафақат ўз саломатликларини мустаҳкамлаши, балки қимматбаҳо совғаларни ютиб олишлари мумкин.

17-23 август кунлари оралиғида ўтказилган #уйдақол! #ҳаётгақўшил! челленжида юртдошларимиз ўзлари томонидан тасвирга олинган навбатдаги видеороликлар билан қатнашди. Мамлакатимиздаги спортсевар оилалар томонидан 200га яқин видеоролик қабул қилинди ва ҳакамлар ҳайъати томонидан энг яхши дея эътироф этилган 3 таси ғолиб деб топилди.

Эътиборли жиҳати, бу галги ғолиблик вилоятларимиз номидан иштирок этганларга насиб этди. Унга кўра 1-ўринни Тошкент вилоятининг Пискент тумани, “Бирлик” маҳалласида истиқомат қилувчи Абдувоҳидовлар оиласига насиб этди.

Ҳакамлар ҳайъати қарори билан, челленжнинг 2-ўринига Навоий вилояти, Нурота тумани, “Мустақиллик” маҳалласида истиқомат қилувчи Чўлиевлар оиласи юборган видеоролик муносиб кўрилди.

Учинчи ўрин билан Фарғона вилояти, Риштон тумани, Янгиобод қишлоғида истиқомат қилувчи Маткаримовлар оиласи тақдирланди.

Челленж ғолиблари велотренажёр билан мукофотланади.

Сиз ҳам #уйдақол! #ҳаётгақўшил! челленжида фаол иштирок этинг ҳамда қимматбаҳо совғаларни қўлга киритинг. Унутманг, челленж   2020 йилнинг 15 декабрига қадар давом этади.