#уйдақол! #ҳаётгақўшил! #sportchallenge челленжининг навбатдаги ғолиблари ҳам аниқланди. Бу сафар пойтахтликлар фаол

Челленж ғолибларини аниқлаш ва тақдирлаш бўйича Ҳакамлар ҳайъати хулосасига кўра бу сафар қуйидаги видеороликлар ғолиб деб топилди:
1-ўрин: Тошкент шаҳар Хадра мавзесида истиқомат қилувчи Саидовлар хонадони аъзолари томонидан юборилган видеоролик. Роликда иштирок этган Убайда ва Рухсорахонлар Тошкент шаҳар сув спорти турларига ихтисослаштирилган мактаб ўқувчилари, Комронбек эса боғча тарбияланувчиси;

2-ўрин: Навоий вилояти, Кармана тумани Ислом Каримов кўчаси 34-уйда истиқомат қилувчи Холмуродовлар оиласи;

3-ўринга бу сафар ҳам бирйўла иккита видеоролик сазовор бўлди. Булар – Тошкент шаҳар, Юнусобод тумани, Чимробод-3, 69-а уйда истиқомат қилувчи Фахриддиновлар оиласи ҳамда фигурали учиш бўйича Ўзбекистон ўсмир қизлар терма жамоаси. Жамоа аъзолари:

Салиева Лазиза – спорт усталигига номзод,

Свободина Дарья – спорт усталигига номзод,

Мезенцева Алена – спорт усталигига номзод,

Сулаймонова Амалия – 1-тоифали спортчи.

Уларнинг тренери – Эллита Ивановна Аванесян

Челленжда 1-ўринни эгаллаганлар вело тренажёр, 2-ўрин соҳиблари югуриш йўлакчаси ҳамда 3-ўринни қўлга киритганлар эса чанғи тренажёри билан тақдирланишади.

Азиз юртдошлар, челленжимиз давом этмоқда. Унда сиз ҳам фаол иштирок этинг ҳамда совғаларни қўлга киритинг!

Жисмоний тарбия ва спорт вазирлиги
Матбуот хизмати