Уйига қайтган Хукер икки ҳафталик карантинга тушди + ФОТО

У якшанба тонгида АҚШнинг Лас-Вегас шаҳрида ташкил этилган UFC Вегас 4 турнирининг марказий жангида Дастин Порьега қарши октагонга кўтарилганди. Ўз уйига қайтган Хукер энди икки ҳафта давомида мажбурий карантинда бўлади.

Дэн оила аъзолари ва яқинларини коронавирусдан ҳимоялаш учун ҳам шундай йўл тушишга мажбур. Хукер Твиттер саҳифасига карантин акс этган суратни жойлаган. Унда спортчи ва қизи орасидаги ижтимоий масофа кўриниб турибди.

"Жуда ҳам яқин ва аксинча узоқ. Оила ҳамма нарсадан устун", — дея сурат остида изоҳ қолдирган Хукер.

Дэн Хукерни мағлуб этган собиқ вақтинчалик UFC чемпиони Дастин Порье пост остида фикр қолдирган.

"Шундай синовлардан ўтаётганингдан афсусдаман. Лекин шундай қилмасанг бўлмайди. Кучли бўлиб қол!", — дея муносабат билдирган Порье.