15 июн 17:03
Янгиликлар

Шахмат

"UzChess Cup" - Муҳиддин Мадаминов чемпион!

Теглар : Шамсиддин Воҳидов Муҳиддин Мадаминов

Тошкент шаҳрида шахмат бўйича "UzChess Cup" III халқаро турнири ўз якунига етди.

Мукофот жамғармаси 121 500 АҚШ долларини ташкил этувчи нуфузли шахмат турнирида сўнгги 9-тур учрашувлари бўлиб ўтди.

Турнирнинг "Masters" гуруҳида ҳамюртларимиз совринли ўринлар учун яхши имкониятга эга бўлиб турганликлари ҳақида хабар бергандик.

9-тур якунига кўра, Муҳиддин Мадаминов ва Шамсиддин Воҳидов 5,5 очко жамғарди. Шу сабабли, ғолибни аниқлаш учун тай-брейк ташкил этилди.

Тай-брейк якунига кўра, Муҳиддин Мадаминов 1,5:0,5 ҳисобида ғалаба қозонди ва турнир ғолибига айланди.

Маълумот учун, "Masters" турнири чемпиони 20 000 АҚШ долларига эга бўлади. Иккинчи ўрин эгаси 15 000, совринли учинчи поғонадан жой олган шахматчи 10 000 доллар билан тақдирланади.