UzChess Cup сўнгги тури якунланди. Уч шахматчи бир хил очко жамғарди. Энди нима бўлади?

Кучлилар жам бўлган Masters гуруҳида чемпионликка яқин турган Нодирбек Абдусатторов афсуски, сўнгги 9-турда оқ доналарда ўйнаганига қарамай, ҳиндистонлик гроссмейстер Рамешбабу Праггнанандҳага ютқазиб қўйди. Нодирбек 9-тургача 5,5 очко билан турнир жадвалида якка пешқадамлик қилаётган бўлса, Рамешбабу 4,5 очко жамғарган ҳолда 3-ўринни банд этганди. 

Яна бир гроссмейстеримиз Жавоҳир Синдаров 5 очко билан 2-ўринни эгаллаб турганди. У бугун сўнгги турда оқ доналарда эронлик Парҳам Мақсудлу билан муросага келди. Натижада Нодирбек, Жавоҳир ва Рамешбабунинг очколари тенглашиб (5,5 очкодан) қолди. 

Энди чемпион ва қолган совринли ўринларни аниқлаш мақсадида қўшимча тай-брек ўтказилади. Унда бир хил очко тўплаган Нодирбек Абдусатторов, Жавоҳир Синдаров ва Рамешбабу Праггнанандҳа бироздан сўнг бошланадиган тай-брекларда ўзаро баҳс олиб боришади. 

Сўнгги турда Шамсиддин Воҳидов россиялик жаҳон чемпиони Ян Непомняший билан дуранг қайд этди. Нодирбек Якуббоев венгриялик Ричард Раппорт, ҳиндистонлик Аржун Эргаиси ватандоши Аравиндҳ Читамбарам билан дурангга имзо чекди.