"UzChess Cup" турниридан ким қанча мукофот пули ишлаб олди? (+ФОТО)

Учинчи бор ташкил этилган мусобақанинг мукофот жамғармаси 121 500 АҚШ долларини ташкил этган бўлиб, ғолиблар "Masters", "Challenger", "Futures" ва "Open" гуруҳларида аниқланди. 

Эътиборга молик жиҳати шундаки, "Masters" турнирида Жавоҳир Синдаровнинг ўрнига қўшилган унинг секундант-мураббийи Муҳиддин Мадаминов чемпионликни қўлга киритди. У бош соврин билан бирга 20 000 АҚШ доллари миқдорида мукофот пулига ҳам эга чиқди. 

"Masters" турнири чемпионлиги учун кечган тай-брекда Муҳиддинга ютқазган Шамсиддин Воҳидов 15 000, учинчи ўрин соҳиби россиялик Ян Непомняший 10 000 долларга бойиб олди. Шахрияр Мамедяьров 8 000, Аржун Эригаиси 7 000, 6-ўрин билан кифояланган Нодирбек Абдусатторов 6 000, 7-ўрин соҳиби Ҳанс Ниеманн 5 000, 8-поғонадан жой олган Нодирбек Якуббоев 4 000, 9-ўрин эгаси Видит Сантош Гужратҳи 3 000, сўнгги поғонада қолган Николас Теодору эса 2 000 АҚШ долларига эга бўлди.      

Якунда энг яқин таъқибчисини 2 очкога ортда қолдирган "Challenger" гуруҳи чемпиони озарбайжонлик Маҳаммад Мурадил 6 000 доллар мукофот пулини қўлга киритди. Ҳиндистонлик гроссмейстер Миттал Адития 5 000, учинчи ўрин эгаси руминиялик Богдан-Даниэль Дик 4 000 АҚШ доллари билан мукофотланди. Ушбу гуруҳда 4-ўринни банд этган ҳамюртимиз Муҳаммадзоҳид Суяров 3 000, 7-ўриндан жой олган Абдималик Абдисалимов 1 000, охирги поғонада қолган 700 долларга эга чиқди. 

"Futures" гуруҳида чемпион бўлган ёш шахматчимиз Ҳумоюн Бегмуратов 4 000 доллар мукофот пулини ўз ҳисоб рақамига қўшиб қўйди. Бу гуруҳда регламентга кўра, Топ-5`таликдан жой олган шахматчиларгагина мукофот пули тақдим этилди.