Вадим Немков UFC билан шартнома имзолаш шартларини айтди

Фақат бунинг учун UFC бир нечта шартларга рози бўлиши керак. 

"Ҳамма нарса бўлиши мумкин. Мен 31 ёшдаман. Фаолиятимни оғир вазнда давом эттирсам, у ҳолда UFC промоушенида 34-35 ёшимда ҳам октагонга чиқавераман. Яримоғир вазнда яна 3-4 йил бемалол жанг ўтказа оламан. Оғир вазнда эса бемалол саломатликка қараб 6 йил жанг қилишим мумкин. Лекин UFC раҳбарларидан ҳар бир жангим учун камида миллион долларлик чек сўрайман", - деди Немков. 

Ўтган йилнинг ноябрь ойида Вадим Немков яримоғир вазнда Bellator Гран-приси ғолиби бўлган эди. У ўз камарини уч бор муваффақиятли ҳимоя қилди. Гран-придаги ғалаба унга миллион доллар келтирди. Ўтган ҳафта эса у кубалик Йоэль Ромерони очколар ҳисобига кўра таслим этди. Бу натижаси эвазига у вазн тоифасидан қатъий назар P4P рейтингида пешқадамга айланиб олди.