09 июн 12:32
Янгиликлар

Бокс/ММА

Вальдес WBO камарини олтинчи маротаба ҳимоя қилди

Профессионал бокснинг ярим енгил вазн тоифасида WBO йўналиши чемпиони Оскар Вальдес олтинчи ҳимоя жангини ўтказди.

Вальдес 24 ёшли даъвогар боксчи Жейсон Санчесга қарши рингга кўтарилди. Амалдаги чемпион бешинчи раундда рақибини нокдаун ҳолатига тушириб қўйди, лекин муваффақиятини якунлаб қўя олмади. Натижада 12 раундлик жанг ғолиби очколар ҳисобига кўра аниқланди.

Санчес ҳакамларнинг бир овоздан берган баҳосига кўра 117-110, 118-109, 118-109 ҳисобида ғалаба қозонди. 28 ёшли Вальдес биринчи енгил вазнда жанг ўтказиш истагида эканлигини маълум қилди. Унинг промоутери Боб Арум эса Вальдеснинг икки вазнда собиқ жаҳон чемпиони Карл Фрэмптонга қарши рингга чиқишини айтиб ўтди. Карл яқинда Top Rank ва ESPN билан шартнома имзолаган эди.