27 сен 13:02
Янгиликлар

Бокс/ММА

Валентина Шевченко: “Енжейчикдан устун жиҳатларим бор”

Аралаш қоидалар бўйича UFC чемпионлик камари учун жанг ўтказадиган Валентина Шевченко ўз фикрлари билан ўртоқлашди.

Қирғизистонлик спортчи Йоанна Енжейчикка қарши октагонга чиқади.

“Биз Йоанна билан 2006, 2007 ва 2008 йилларда муайтай бўйича жаҳон чемпионатларида тўқнаш келганмиз. Ҳозир иккимиз ҳам UFCдамиз. Рақибамнинг имкониятларини яхши биламан.

Лекин менинг устун жиҳатларим кўпроқ. Яқин ва узоқ масофаларда яхшироқ ҳаракат қиламан. Оёқ ва қўлда айланма зарбалар бера оламан. Техникам ҳам хилма-хил. Айни пайтда тайёргарлик юқори даражада давом этяпти. Мухлислар ажойиб жангга гувоҳ бўлишади”, - деди Шевченко.

Маълумот учун, Валентина Шевченко ва Йоанна Енжейчик ўртасидаги чемпионлик жанги 8 декабрь куни Канаданинг Торонто шаҳрида UFC 231 шоуси доирасида бўлиб ўтади.