13 мар 18:41
Янгиликлар
Кураш
«Вазир кубоги» мусобақасининг Тошкент вилояти босқичи бўлиб ўтди
Бугун, 13 март куни Ўзбекистон давлат жисмоний тарбия ва спорт университетининг кураш спорт саройида кураш бўйича «Ўзбекистон Республикаси Олий ва ўрта махсус таълим вазири кубоги» мусобақасининг Тошкент вилояти босқичи бўлиб ўтди.
Мусобақада “Вазир кубоги” учун Тошкент вилоятида жойлашган 5 та олий таълим муассасасидан 100 нафарга яқин талабалар иштирок этди.
Ўғил болалар 7 та вазнда, қизлар 8 та вазн тоифасида ўзаро беллашди.
Мусобақа якунида умумжамоа ҳисобида Ўзбекистон давлат жисмоний тарбия ва спорт университети терма жамоаси 1 ўринни эгаллади ва кубок соҳиби бўлди.
Умумий ҳисобда иккинчи ўринни Чирчиқ давлат педагогика институти терма жамоаси эгаллаган бўлса, фахрли учинчи ўрин Тошкент давлат аграр университети терма жамоасига насиб этди.
Ғолиб ва совриндорларга диплом, медаль ва совғалар топширилди. Ғолиблар вилоят терма жамоаси таркибида келгуси мусобақаларда иштирок этишга йўлланма олди.
Ҳавола :
Манба : olamsport.com
Фикрлар