08 июн 17:30
Янгиликлар

Велоспорт

Велоспорт. Асал Ризаева Осиё чемпионатининг кумуш медали соҳибига айланди!

Таиландда ўтаётган велошоссе бўйича ёшлар ва катталар ўртасидаги Осиё чемпионатида учинчи кун беллашувлари якунланди.

Аҳамиятлиси, ушбу кун баҳслари ҳам Ўзбекистон терма жамоаси учун муваффақиятли ўтди.

Ёшлар ўртасида индивидуал вақт пойгаси дастурида иштирок этган ҳамюртимиз Асал Ризаева иккинчи натижани қайд этиб, кумуш медалга сазовор бўлди. 15 кмга кечган пойгада Ризаевадан 4 сония яхшироқ натижа қайд этган вьетнамлик Ти Бе Нгуен олтин медални қўлга киритган бўлса, Хитой Тайпейи вакиласи Чеук Там шоҳсупанинг учинчи поғонасидан жой олди.

Эслатиб ўтамиз, бу терма жамоамизнинг мусобақадаги учинчи медали. Биринчи кун доирасида ўтган эстафета йўналишида терма жамоамиз кумуш ва бронза медалларини қўлга киритган эди.