Велоспортчиларимиз трек йўналишидаги Осиё чемпионатида ҳозиргача 4 та медаль қўлга киритишди

Мусобақада иштирок этаётган Ўзбекистон терма жамоаси сўнгги икки кунда жами 4 та медалга эга чиқди.

Самира Исмоилова ёшлар ўртасидаги беллашувларда омниум дастурида олтин, очко йиғиш баҳсларида эса бронза медалини қўлга киритди.

Эркаклар ўртасидаги омниум дастурида эса Дмитрий Бочаров энг яхши натижани қайд этиб, термамиз ҳисобига яна бир олтин медални қўшиб қўйди. Аҳамиятлиси, ўзбекистонлик спортчи бу дастурда амалдаги Жаҳон чемпиони, япониялик Казушиге Кубокини ортда қолдирди.

Шунингдек, яна бир тажрибали велотрекчи Нафосат Козиева кеча очко йиғиш дастурида иштирок этиб, 19 балл билан бронза медалига эга чиқди.