28 окт 07:41
Янгиликлар

Теннис

Вена. Тим иккинчи даврада

Сайёрамизнинг учинчи рақамли теннисчиси Доминик Тим Вена шаҳрида давом этаётган мусобақани муваффақиятли бошлади.

Австриялик теннисчи илк даврада Украина вакили Виталий Сачкога қарши кортга чиқди. Бир соату 47 дақиқа давом этган учрашувда Тим рақибини 6:4, 7:5 ҳисобларида таслим этишни уддалади. Бу спортчиларнинг ўзаро илк баҳси бўлди.

Тим Erste Bank Open мусобақасининг иккинчи даврасида Чили вакили Кристиан Гаринга қарши баҳс олиб боради.