11 июн 10:34
Янгиликлар

Бокс/ММА

Вьетнам уруши фахрийлари Оқ уйдаги UFC турнирини бекор қилишга уринмоқда

Америка мухолифатининг фаоллари ҳамда Вьетнам уруши фахрийлари шу якшанба куни Оқ уй ҳудудида UFC турнири ўтказилишига йўл қўймаслик мақсадида судга даъво аризаси киритди.

Даъвогарлар бўлажак тадбирни "чуқур коррупциялашган" деб аташди, чунки президент Дональд Трамп UFC ва ташкилот раҳбарига "хусусий тижорат спорт тадбирини ўтказиш учун Оқ уй ва Линкольн ёдгорлигига тўсиқсиз кириш" имконини берди. Бу Америка қонунчилигига зид бўлиши мумкин.

"Бундай суд даъвосини кутган эдик. Бу воқеа билан боғлиқ ҳамма нарсани кутишарди. Бу олдинроқ содир бўлади деб ўйлагандик. Бу қаршилик рўй беришини билардик", - деди UFC раҳбари Дана Уайт.

Эслатиб ўтамиз, бугун Вашингтондаги Оқ уй олдида октагон ўрнатилди. Спортчилар учун ечиниш хоналари ҳам тайёр. АҚШ мустақиллигининг 250 йиллиги, Дональд Трамп таваллудининг 80 йиллигига бағишлаб ўтказилаётган турнир 14 июнь кунига белгиланган.