24 окт 12:16
Янгиликлар

Бокс/ММА

Вьетнамлик боксчи япониялик чемпиондан камарини тортиб олди, янги чемпионнинг мураббийи - ўзбекистонлик!

Хабар берганимиздек, Жанубий Кореянинг Сеул шаҳрида профессионал бокс кечаси ўтказилди.

"Cоcybuffalo Promoutions" промоутерлик компанияси томонидан ташкил этилган оқшомнинг марказий жанги аёллар енгил вазн тоифасида бўлиб ўтди. Унда япониялик Этсуко Тада (26-20-3-3, 7 КО) ўзига тегишли WBО камарини вьетнамлик Тху Нхи Нгуяндан ҳимоя қилди.

Ушбу жанг 10 раундга мўлжалланган бўлиб, вьетнамлик даъвогар боксчи тайёргарликнинг сўнгги босқичини Тошкент ва Янгиободда ўтказган эди. Унинг мураббийи Бобур Нажмиддинов ҳисобланади. Жанг ҳеч ким кутмаганда вьетнамлик боксчининг ишончли ғалабаси билан якунланди.

Очколар ҳисобига кўра ғалаба қозонган Тху Нхи Нгуян Вьетнам тарихидаги биринчи жаҳон чемпионига айланди. Бобур Нажмиддинов эса жаҳон чемпионини тайёрлаган илк ўзбекистонлик мураббийга айланди.