VI Ислом бирдамлиги ўйинлари. Медалларимиз 79 га етди, Эрондан 6 та "тилла"га ўзиб кетдик (Тўлиқ жадвал)

Медаллар жамғариш бўйича Туркия терма жамоаси жуда катта фарқ билан пешқадамлик қилмоқда. Уларга ҳеч ким ета олмаслиги анча олдин ойдинлашиб бўлганди. Турк қардошларимиз 65 та олтин, 37 та кумуш, 28 та бронза, жами 130 та медаль қўлга киритиб улгуришди. 

Иккинчи ўрин учун кураш кескинлашган эди. Кечаги медаллар шодасидан кейин Эрондан 6 та олтин медаль тафовутида узоқлашдик. Ўзбекистон делегацияси 25 та олтин, 29 та кумуш, 25 та бронза, жами 79 та медаль жамғариб, 2-ўринни мустаҳкам банд этган. Эрон делегацияси ҳисобида 19 та олтин, 17 та кумуш, 23 та бронза, жами 59 та медаль бор. Миср, Қозоғистон, Баҳрайн, Саудия Арабистони, Марокаш, Нигерия ва Озарбайжон терма жамоалари Топ-10`таликдан жой олган. 

Марказий Осиё давлатларининг медаллар жамғариш бўйича ўрни: 

2. Ўзбекистон — 25 та олтин, 29 та кумуш, 25 та бронза

5. Қозоғистон — 11 та олтин, 14 та кумуш, 16 та бронза

19. Қирғиз Республикаси — 1 та олтин, 4 та кумуш, 5 та бронза

24. Афғонистон — 1 та олтин, 1 та кумуш, 1 та бронза

26. Тожикистон — 2 та кумуш, 3 та бронза