29 авг 11:39
Янгиликлар

Теннис

Виктория Азаренко финал иштирокчисига айланди

АҚШнинг Нью-Йорк шаҳрида ўтказилаётган "Премьера" тоифасига кирувчи нуфузли WTA турнирининг ўзининг ҳал қилувчи палласига кирди.

Иккинчи ярим финал учрашувида WTA рейтингида 59-поғонадан жой олган Виктория Азаренко дунёнинг 15-ракеткаси, британиялик Йоханна Контани 4/6, 6/4, 6/1 ҳисобларида мағлубиятга учратиб, финал чиптасини қўлга киритди.

Теннисчилар кортда 138 дақиқа ҳаракат қилишди. Бу вақт оралиғида беларуслик 31 ёшли теннисчи 7 та, 29 яшар Конта эса 9 та эйс зарбасини амалга оширди. Ўзаро учрашувлардаги ҳисоб мувозанати ҳам тикланди - 2:2. Бугун Азаренко Western & Southern Open финалида япониялик Наоми Осакага қарши кортга чиқади.