Владимир Шин ўзи бош мураббий бўлган вақт ва ҳозирги кундаги фарқ ҳақида гапирди

"Албатта, чеҳралар бошқа, жамоа бошқа-бошқа. Бизнинг давримизда ўзбек бокси Собиқ Иттифоқ боксидан алоҳида тарзда ривожланиш босқичини, ўзгариш жараёнини бошлаган эди. Бугунги ёшлар ўша пайтдаги Муҳаммадқодир, Руслан ёки Рустамдан тубдан ажралиб туради. Тўғри, уларнинг хатти-ҳаракатида, жанг олиб бориш тактикасида ўхшашликлар бор. Бусиз мумкин эмас. Лекин бугунги бокс кўпроқ профессионал бокс хусусиятларини ўзига олаётгани билан ажралиб туради. 

Биз қийин пайтда ишладик. Машғулот ўтказиш, халқаро мусобақаларда қатнашишда мураккабликлар бўларди. Шундай бўлса-да давлат томонидан қўллаб-қувватланиш, алоҳида инсонларнинг эътибори туфайли юксак натижаларга эришганмиз. Бугунги шароитлар у пайтдаги ҳолатдан ҳар қанча баланд", - деди Шин UzA муҳбири билан суҳбатда.