Волкановски Чикадзени Каттарга қарши жангдан олдинги хатти-ҳаракатлари учун танқид қилди

Жанг олдидан Чикадзе амалдаги чемпионни "Кореялик зомби"га қарши жанг қилиб, "осон йўлни" танлаганликда айблади ва Волкановски "топ-10ликдаги энг осон жанг"ни танлаганини айтди.

"Қулоқ солинг, ҳар доим ёмон гапларни айтувчи одамлар бўлади. Бу ўйиннинг бир қисми, биз буни тушунамиз. Аммо, бошқа томонлари ҳам бор. Бундан ташқари, бу ҳақиқий ҳурматсизлик - нафақат менга, балки Келвин Каттарга ҳам. Сенинг олдингда бир одам бор, энг яхши даъвогар, ва сен худди шу одамдан ўтмоқчи бўлгандек ҳаракат қиласан. Мен ҳақимда гапиришни бошлашдан олдин ғалаба қозонишингдан бошлайлик.

Мен уни ҳурмат қилардим. Эсимда, у "Сиз билан жанг қилишни интиқлик билан кутаман" деганди, кейин мен унга "Дўстим, қилаётган ишингда давом эт" дегандим. Мен у билан мана шу мулоқотимизни эслайман. Аммо, кейин у бошқача ҳаракат қила бошлади. Билмайман, балки у шунчаки зарур деб шунга қарор қилгандир. "Каттарни мағлуб қилганинг маъқул, бўлмаса жуда ёмон кўринасан", деб ўйладим. Кейин билсам бу ёмон танлов эди, чунки у ўзи аҳмоқ кўринади. Ва кейин у "Зомби"га ҳам тегиб ўтди", — Волкановскининг сўзларини келтиради ММА Fighting.