06 апр 10:12
Янгиликлар

Теннис

Volvo Car Open. Слоан Стивенснинг юриши давом этмоқда

АҚШнинг Чарльстон шаҳрида ўтказилаётган теннис бўйича нуфузли WTA турнири ўзининг қизғин палласига кирди.

Дунёнинг саккизинчи ракеткаси Слоан Стивенс мусобақанинг чорак финалига йўл олди. Америкалик теннисчи учинчи босқич учрашувида австралиялик Айла Томляновичдан устун келди.

Слоан роппа-роса 2 соат давом этган баҳсда рейтингнинг 39-поғонасидан жой олган рақибасидан 4/6, 6/4, 6/4 ҳисобида устун келди. Энди Стивенс Volvo Car Open турнирининг чорак финалида ватандоши Мэдисон Кизга қарши кортга чиқади.